Archivo mensual: marzo 2017

Vicent levaba semana esperando a chegada das súas fotos e despois dunha larga espera aquí están. Foi fantástico velo tan emocionado e tan contento, contou con moita soltura cada una das fotos e recordaba con gran memoria cada cousa que nela pasaba. Noraboa Vicent!!! Moitos parabens!!!


Estes días a cabeza bótanos fume. Estes robots dannos unha chea de traballo. Nesta ocasión fixemos un circuito para escornabot, parecía sinxelo pero as ordes comezaban a acumularse e tivemos que buscar unha solución…


A semana pasada comezamos unha nova aventura cos robots.

Coma son uns expertos manexando a Dash decidín poñerllo difícil para que traballasen en equipo, tivesen que tomar decisións en conxunto e superar dificultades. Este primeiro reto consistía en derribar aos villanos que estaban nunha cuadrícula. Os villanos podían moverse sempre que fose na liña na que estaban colocados e Dash tiña que acabar con todos dunha soa pasada.
Cada equipo tomou as súas decisións e tivo a súa estratexia. Xa vos adianto que ningún equipo o conseguiu (cousa coa que contaba) pero dos erros apréndese moito e nunhas semanas volveremos ao reto e de seguro que nos sorprenden os seus avances.


Durante a semana das froitas, nas merendas fomos degustando diferentes froitas: mazá, plátano, amorodos, melón e mandarina. O venres, como día final desta semana tan saudable fixemos una macedonia coas froitas que nos sobraron estes días. Así que os choquetes, lavaron as mans, remangáronse e puxéronse máns ás froitas. Mirade que coordinados traballaron e que ben o fixeron. Son un gran equipo!!!


Este trimestre estamos traballando os superheroes cercanos e nesta ocasión tivemos na aula a un superheroe moi, moi cercano: o profe Guillermo. Resulta que o profe ten o superpoder de atopar fósiles cando anda de paseo polos montes na Rioxa e, fósil a fósil, foi estudando, investigando e aprendendo unha chea de cousas deles. Así que a semana pasada tivemos a sorte de telo na nosa aula compartindo os seus saberes con nós.


Lucía, achegouse a clase dos choquetes para compartir con eles unha nova historia fantástica, “Unha eiruga moi larpeira”. Narrou o conto coa axuda de Antía e Sheyla, que lle axudaron a mover a pequena eiruga que rillaba, sen parar, nas froitas e alimentos desta historia. Os choquetes tiveron que estar moi atentos porque Lucía despois do conto fixo un pequeno concurso para ver si recordaban algunhas cousiñas. Ao final Lucía agasallou con ricos caramelos a este público tan atento. Noraboa Lucía!!! Fixéchelo de 10!!!


Nova sesión de horta de Apolos e Xirasois que a semana pasada sementaron herbillas, limparon a horta e recolleron verzas. Os Xirasois aproveitaron para facer verzas cocidas con lacón e os Apolos levámolas para casa para compartir en familia. Clicade na imaxe para ver as fotos.

plantar



A %d blogueros les gusta esto: