Archivo del Autor: nivecaro

Rematamos o trimestre volvendo a facer os talleres interclases que tan bo resultado nos están dando este ano. Preparamos 3 talleres: un de cine, outro de manualidades e outro de cociña e fixemos 3 grupos nos que había Pequeheroes, Choquetes, Apolos e Xirasois.

Os grupos pasaban 30 minutos en cada taller e ao rematar ían ao seguinte. Así aproveitamos para facer chocolate e cestos de pascua.
Despois do recreo contamos o conto do coelliño da pascua e fixemos unha búsqueda conxunta polo patio, xa que o coelliño apareceu por alí e deixou unha chea de ovos.
Xa cos cestos cheos comemos o chocolate que fixeramos pola mañá.
Foi un día moi intenso pero pasámolo xenial!!!


Un mes máis celebramos os aniversarios. Nesta ocasión David e Alba foron os afortunados. Aproveitamos o bo tempo para celebrar a festa fóra.
Mirade que ben o pasamos!


Un ano máis pasamos unha xornada de interacción co medio, nesta ocasión na Miñoteira, en Ventosela. Aproveitamos para plantar, xogar cos maiores, merendar no entorno natural e, o mellor de todo, explorar, investigar e pasalo ben.


Chegou a primavera e ao noso redor todo comeza a encherse de vida. No noso recuncho da arte quixemos darlle a benvida así que decidimos facer uns cadros usando material de refugallo.

E quedaron moi lucidos!


Unha semana máis os equipos tiveron que enfrontarse a un novo reto de Dash. Nesta ocasión había que conseguir que Dash debuxara un círculo, para iso vimos un vídeo onde Dash pintaba e, a partir de aí, os equipos comezaron a traballar.
Non vos quero adiantar moito pero un dos equipos non deu resolto o reto e algún membro do equipo quedou tocado, non en sentido negativo, senón con espírito de superación. Non vos conto máis!


Dende o EDNL do centro propúxosenos facer un mural sobre un persoaeiro galego ao que consideraramos un superheroe e os Apolos tivemos claro que queriamos saber máis dos creadores de Escornabot, xa que é un robot deseñado e programado en Galicia, o seu software é libre e pode mudarse en función das necesidades de cada un. E para deseñar algo así hai que ser un poco superheroes, non credes?


A profe Luisa deunos unhas sementes que podían ser máxicas así que tivemos que poñernos mans a obra!!



A %d blogueros les gusta esto: