Archivo de la categoría: ACTIVIDADE INTERCICLOS

As miñas exploradoras de 5ºA, están enganchadas ao de contar historias e cada sesión que pasa fanno mellor, fanno xenial!!!

Nesta ocasión Andrea, tiña moitas ganas de dramatizar un conto que lle gustaba moito cando era pequerrecha, polo que animou ás súas compis e mira o que fixeron…

Son unhas grandes artistas!!!


Rematamos o trimestre volvendo a facer os talleres interclases que tan bo resultado nos están dando este ano. Preparamos 3 talleres: un de cine, outro de manualidades e outro de cociña e fixemos 3 grupos nos que había Pequeheroes, Choquetes, Apolos e Xirasois.

Os grupos pasaban 30 minutos en cada taller e ao rematar ían ao seguinte. Así aproveitamos para facer chocolate e cestos de pascua.
Despois do recreo contamos o conto do coelliño da pascua e fixemos unha búsqueda conxunta polo patio, xa que o coelliño apareceu por alí e deixou unha chea de ovos.
Xa cos cestos cheos comemos o chocolate que fixeramos pola mañá.
Foi un día moi intenso pero pasámolo xenial!!!


Lucía, achegouse a clase dos choquetes para compartir con eles unha nova historia fantástica, “Unha eiruga moi larpeira”. Narrou o conto coa axuda de Antía e Sheyla, que lle axudaron a mover a pequena eiruga que rillaba, sen parar, nas froitas e alimentos desta historia. Os choquetes tiveron que estar moi atentos porque Lucía despois do conto fixo un pequeno concurso para ver si recordaban algunhas cousiñas. Ao final Lucía agasallou con ricos caramelos a este público tan atento. Noraboa Lucía!!! Fixéchelo de 10!!!


Paula levou varios días preparando o seu conto con moita ilusión, ensaiando a súa narración e preparando uns títeres representativos do conto, como: pelostortos e pantasmas coa axuda dalgunha das súas compañeiras. Mirade que boa sesión de contacontos poideron disfrutar os pequenos choquetes. Graciñas a Paula, Antía e Carla por facer que cada día os contos nos gusten máis!!!


Este curso quixemos unir dúas das celebracións máis especiais para estes peques, o magosto e o samaín. Para esta gran celebración fixemos uns divertidos obradoiros, co profe Rosa fixemos uns cestos de castañas tan terroríficos que daba medo velos. Queredes ver canto traballaron todos os pequesreboreda, pois ahí vos deixamos uns recordiños…


Un ano máis, durante estes días de samaín, fixemos obradoiros interciclos. Os sapiens, os apolos e os nenos e nenos de primeiro estivemos inmersos nunha chea de actividades terroríficas. Contamos contos de medo, retratámonos monstruosamente, ilustramos os contos de medo e fixemos de forma colaborativa una gran cabaza. Mirade canto traballamos e que ben colaboramos entre todos para rematar satisfactoriamente estos obradoiros de medo.


Un ano máis volvemos a facer talleres interciclos entre infantil e o primeiro ciclo de primaria. Este ano os Apolos e os Sapiens traballamos cos antigos Cocoricos que agora xa son uns chicos de primeiro. Aproveitamos para contar contos, pintar cabazar, debuxar contos de medo (nos vindeiros días xa volo amosaremos) e… facer fotos terroríficas.
Na biblioteca temos un marco e diferentes elementos para facer fotos de Samaín. Nos aproveitamos para facer fotos e lembrar este día de traballo común entre maiores e pequenos. Aquí as tedes, quedaron moi simpáticas.

 



A %d blogueros les gusta esto: