Archivo de la categoría: AGRUPACIÓNS ESCOLARES

Os exploradores e os sínefos acudiron á casa do patrón coma viaxe fin de curso e alí atoparon moitisimas cousas interesantes da labranza, da vida dos nosos antergos, unha escola antiga,… Tamén participaron duns laboriosos obradoiros, pola mañá fixeron pan e pola tarde fixeron cerámica co barro.

E mentras tanto, entre visita e talleres, tivemos unha xornada de convivenza cos nosos amigos do cole de Casalonga, cos pingotas e os cocos. Con eles comemos e logo xogamos sen parar dunha carballeira moi particular.

Queredes saber que ben o pasamos, pois….. fixádevos ben que isto xa vai comezar!!!

Anuncios

Os nenos e nenas do cole de Vimbodí recibíronnos cunha obra de títeres moi especial, que fixeron en castelán para todos os profes de agrupacións, a lenda de Sant Jordi. Unha lenda moi similar á nosa lenda redondelana, que se está a celebrar estes días na nosa pequena vila.


Os peques do cole e os nenos e nenas do 3º curso do Santo Paio prepararon con moita ilusión uns preciosos marcapáxinas para os seus compañeir@s dos coles do proxecto de agrupacións escolares (ARCE), xa que nestes días as profes Luisa e Rosa estamos compartindo unhas xornadas cos nen@s e profes que participan neste proxecto.

Neste marcapáxinas quixemos amosarlles a nosa Coca “Simona”, e topámonos cunha grande sorpresa que eles tamén teñen a súa propia coca (dragón) cunha lenda moi similar á nosa.

Aquí vos deixamos unha pequena mostra da preparación e entrega destes orixinais marcapáxinas.


Dentro das actividades que tiñamos que facer dentro do proxecto de ARCE, era a elaboración dunha receita doutra comunidade. Grazas ás familias durante o primeiro trimestre estivemos recollendo as receitas máis típicas da nosa zona para elaborar un chulísimo recetario. Así todas as escolas do proxecto prepararon os seus recetarios para compartir con todas as escolas un anaquiño da súa gastronomía. Os peques de Reboreda quixemos probar un deses deliciosos platos e escollemos: “Delicias de Teruel”, porque era un dos máis sinxelos para facer cos nosos peques, ademáis dun almorzo moi nutritivo.

Empregamos pan, allo, tomate, aceite e xamón ibérico. Antes de comezar coa elaboración estivemos atentos á receita que nos deixaron os amigos de Teruel para saber moi ben como debiamos facela. Os peques sen problema puxéronse mans á obra e fixeron unhas delicias de Teruel realmente sabrosas. Estade atentos a este pequeno vídeo e non vos perdades detalle…

Pero antes de rematar……… cantamos e botamos foguetes en homenaxe aos cumpreañeiros. Noraboa aos cumpreañeiros e a estes grandes cociñeiros!!!!

No mes de abril Os Cococoric@s estivemos de celebración, xa que cinco amig@s cumpriron 4 aniños, ¡que maiores! Para festexalo decidimos elaborar unha deliciosa receita pertencente ao receteiro do nos@s amig@s de ARCE. Cada un dos receteiros elaborados foi o resultado dun grande traballo en conxunto dos colexios de Agrupacións e as familias, que aportamos numerosas receitas, que reflicten a tradición e a cultura de cada unha das zonas onde vivimos. Os peques de Reboreda escollemos unha receita sinxela, práctica e moi saborosa: “Delicias de Teruel” con ingredientes tan ricos como: pan, aceite, tomate e xamón ibérico. Durante os festexos atendemos á explicación, guiada pola receita que nos deixaron, realizamos unhas “Delicias” exquisitas e cantámoslle os parabéns aos cumpreañeir@s. Deixámosvos unha pequena mostra para que a desfrutedes ao igual que nós e animámosvos a que a elaboredes nas vosas casas. Moitas felicidades aos Cocoric@s Diego Toucedo, Alba, Marisa, Uxía e Teo e tamén aos amig@s cumpreañeir@s dos Waters, Exploradores e Sínefos. ¡Unha aperta!


Ola familias! Os Cocoricos e os Waters fomos de excursión ao Zoo de Vigo, xunto cos nosos amig@s da Escola de Casalonga (Teo), unha saída programada en conxunto e dentro do Proxecto de Agrupacións Escolares (ARCE). Foi un día para lembrar, pois estivemos moi ben acompañad@s por Luisa, a profe Loli, a profe Aida e o profe Esteban. Coñecemos moitos animais e poidemos desfrutar de fermosos momentos. Estamos a falar de animais moi coñecidos por nós comos os leóns, os trigres, os osos polares, as tartarugas, os tan temidos lobos… e de outros non tan coñecidos como os orix, o tejú, os muflóns, etc.
¡Esperamos que desfrutedes como o fixemos nós! ¡Unha aperta!


Os peques de Reboreda prepararon con moito entusiasmo uns paquetes moi especiais, cheos de libros, cds de música, vídeos, etc. das tradicións de cada un dos recunchos de España que participan con nós no proxecto ARCE de todas as agrupacións escolares.

Nos levabamos todo un trimestre traballando cos libros da maleta viaxeira que chegou ata o noso cole dende o CRA de Teo, e agora terá que voltar a viaxar ata a ZER de Lleida, ZER Baridà-Batllia. Así que preparamos varios paquetes e baixamos andando ata Redondela para entregar en correos estes grandes e pesados paquetes. Foi toda unha aventura!!! E despois reposamos un pouco nun dos parques da vila para merendar e xogar un anaquiño antes de regresar camiñando de novo ata a escola.

Menuda camiñata!!!


Dentro das actividades a realizar durante este curso co grupo de escolas de ARCE (agrupacións escolares) deseñóuse unhamaleta viaxeira que viaxará de escola a escola para ensinar a todos os nenos e nenas das escolas de Tarragona, de León, de Canarias, de Teruel,… unha chea de materiais, como: libros, cds, contos,… de cada un dos seus recunchiños. Deste xeito coñecerémolos mellor e descubriremos as súas costumes, celebracións da súa zona, folclore,…

Así foi a chegada da maleta á escola de Reboreda e así estamos a traballar con ela.



A %d blogueros les gusta esto: