Archivo de la categoría: Costumes e tradicións galegas

Coa chegada do entroido, nos aniversarios destes primeiros meses do ano, quixemos facer unha festa de degustación dos doces típicos destas datas. Preparamos unhas coroas moi amorosas e gozamos dunha festa moi doce. Parabéns a estes grandes choquetes!!!


Durante varias semanas estivemos organizando os nosos días de entroido, cun obradoiro de disfraces coas familias, preparando o noso disfrace, seguindo as ordes do meco e por último desfilando como verdadeiros modelos de pasarela. Mirade que ven o pasaron estes días estes choquetes tan trouleiros.


Este curso quixemos unir dúas das celebracións máis especiais para estes peques, o magosto e o samaín. Para esta gran celebración fixemos uns divertidos obradoiros, co profe Rosa fixemos uns cestos de castañas tan terroríficos que daba medo velos. Queredes ver canto traballaron todos os pequesreboreda, pois ahí vos deixamos uns recordiños…


Este ano no cole decidimos xuntar as festas do Samaín e do Magosto porque son duas celebracións moi próximas e pareceunos boa idea xuntalas. En Infantil os profes xuntámonos e decidimos organizar a mañá para que os peques disfrutasen o máximo posible. Organizamos catro talleres: na aula do profe Esteban un taller de cociña terrorífica facendo arañas con galletas e chupachups e cabazas con mandarinas, na clase da profe Rosa un taller creativo para decorar os cestos das castañas e convertelos en monstruos, na clase da profe Aída maquillaxe e construcción de títeres de medo-dedo e na batcova unha sesión de contos de medo feita por min.
Fixemos catro equipos con nen@s de todas as aulas para que fosen xuntos aos talleres, xuntámonos no salón de actos e puxemos a cada neno un gomets dunha cor para que soubesen a que equipo pertencían.

Os grupos estaban en cada taller 30 minutos e despois cambiaban ao seguinte, de xeito que todos os nen@s, ao longo da mañá ían pasando por todos os talleres.

Chegamos a queima de medos no patio. Logo merendamos rosquillas que nos agasallou a ANPA e despois de rematar os talleres comemos as castañas.
Os peques  pasárono xenial e foi un día moi divertido e especial!


Estamos gratamente sorprendidos pola participación das nosas familias en cada una das actividades que lles propoñemos porque sempre nos deixan sen palabras. Tivemos doces tradicionais galegos, como: orellas, filloas, roquillas de anís, bica,… Pero tamén tivemos doces de Valencia, como son os buñuelos, doces de Marrocos como son as facas e outros doces galegos que viñan dende Ferrol como son as tradicionais torrijas de leite e canela.

 

GRAZAS FAMILIAS POLA VOSA INCONDICIONAL COLABORACIÓN!!!


A semana de entroido foi moi intensa e tivemos moito traballo preparando os disfraces e a degustación gastronómica… pero, aínda así, sacamos tempo para pasalo ben facendo uns orixinais antifaces. Para iso tivemos que facer unha chea de cousas: picar, cortar, montar coma un puzle, pegar e decorar.
Mirade que chulos quedaron!


Fai un par de anos varios mestres fixemos un LIM COLABORATIVO sobre o entroido. Estes días estivemos xogando con el. Se queredes aínda lle podedes dar un volta na casa.

 entroido



A %d blogueros les gusta esto: