Archivo de la categoría: E-MAILS

Nesta ocasión Sofía foi a receptora dun novo e-mail que chegaba cargadiño de fotografías. Todos queren recibir un correo sorpresa coas súas fotos porque queren compartir cos seus amigos alquimistas os seus recordos.

É un momento super-especial cando chega o correo, ver que trae un montón de instantáneas moi persoais, descubrir o nome a quen ven dirixido o correo,… Créase na aula un clima moi especial, moi cálido e acolledor, cheo de morriña, de amor e de tenrura. Son de eses momentos que fan que o meu traballo mereza a pena, son moi afortunada de poder compartir con meus peques estes momentos tan…  tan… máxicos.

Anuncios

Esta vez Fabio foi o sorprendido. Un novo e-mail o estaba esperando cheo de fotos moi especiais para el. Fotos do seu irmán, dos seus papis, dos seus amigos e familiares. Fotos moi divertidas que Fabio amosounos moi ilusionado. Parabéns Fabio!!! E graciñas familia por deixarnos estes retaciños tan especiais para facer esta entrañable actividade na que os meus alquimistas son os protagonistas.


Nesta ocasión chegou un correo para a nosa Lola A. Era un correo moi especial, cheo de grandes momentos, momentos moi especiais da vida de Lola e da súa familia. Lola estaba “TAN” contenta que non podía parar de falar e de saltar. Estaba ansiosa por compartir cos seus compis todos aqueles lindos recordos. Parabéns Loliña!!!


Roi tamén recibíu un e-mail cheo de fotos moi especiais para el. Eran fotos dos seus momentos de lecer coa familia polo que xplicounas de marabilla!!! É un gran comunicador!

Agora deixámosvos un vídeo para que comprobedes que maiores xa son estes alquimistas e que ben participan na clase nas actividades de gran grupo.


Nesta ocasión o sorprendido foi… Matías! Non o podía crer!!! Eran as súas fotos!!!

A chegada de cada e-mail é moi ben recibida porque sempre veñen cargadiños de fotos entrañables e moi especiais. Fotos da familia, das mascotas, dos xoguetes favoritos, dos nosos momentos de lecer,… das nosas cosas máis importantes. Cada alquimista conta sen medos e con moita ilusión cada un dos seus recordos, compartindo risas e conversas cos seus compis, que lle preguntan por calquera cousa interesante que aparece nas fotos.

Noraboa Matías!!! Parabéns! E graciñas a túa familia por compartir con todos nós os vosos recordos!


Nesta ocasión, Richard foi un dos alquimistas que recibíu un email con fotos persoais. Estaba moi asombrado cando descubríu que eran súas e aínda que é moi tímido, contóunos moi ben cada unha das fotografías. Noraboa pequeno alquimista!!! Estás medrando un montón!!!


Antón recibíu un email que nos gustou moito a todos. Era un correo cheo de fotos nun lugar chulisimo cheo de dinosaurios. Antón contounos cun montón de detalles cada foto e os alquimistas disfrutaron moitisimo coas súas explicacións e coas súas fotos. Pasámolo moi ben! Graciñas Antón!e… graciñas familia por compartir con todos nós esas fotos tan especiais.



A %d blogueros les gusta esto: