Archivo de la categoría: ROBOT

A nosa aventura robótica comezou con escornabot, lembrades?

Tiñamos unha chea de pezas para montar seguindo unhas instruccións e cando o conseguimos so faltaba encher a cabeza de escornabot para que funcionase. Xa vos dixen que non teño nin idea de robótica, Apolos máis eu imos aprendendo ao mesmo tempo así que poñer a andar a escornabot costoume máis do que esperaba pero, quen a segue a consegue e, por fin, anda.
Ides ver no vídeo a todos os Apolos codificando e isto é posible grazas ao traballo previo feito con code.
O robot é moi simple, móvese adiante, atrás a un lado e a outro e simplemente, con eses movementos, traballamos unha chea de cousas: distribución espacial, lóxica, numeración e conteo, lateralidade…


Xa sabedes que os Apolos estamos entusiasmados coa robótica. Fai unhas semanas fun a un curso de robótica e ensináronnos a facer un robot pintor cun vaso, tres rotuladores, un motor e unha pila.

Resulta que temos unha chea de motores ao noso redor, sobre todo dos xoguetes vellos, e con eses motores pódense facer unha chea de cousas.
Trouxen o robot pintor a clase e encantoulles así que eles tamén quixeron construír un. Despois de buscar na rede atopamos un cun cepillo de dentes que parecía sinxelo así que puxémonos mans a obra.


Os equipos tiveron un día de descanso para tentar reparar os erros. O equipo 2 que ía máis retrasado puso a 5ª e…


EQUIPO 1- 1º INTENTO

Vou tentar nos seguintes post contarvos días intensos de traballo na aula dos Apolos.
Algúns profes estamos a facer un curso para mudar o noso xeito de dar clase e unha das cousas que saquei en limpo é que os profes falamos moito e anticipámonos. O noso papel é guiar e orientar, poñer os medios, facilitar pero nunca dar as solucións.
Partindo disto, cada semana, no recuncho de robótica, os equipos van ter un reto para facer con Dash. E un reto que deben superar por eles mesmos poñendo as súas cabezas a traballar e experimentando de xeito práctico as súas ideas. Sabendo que vanse trabucar pero que eses erros servirán para mellorar o proceso é chegar a resultado que queren.
Nesta ocasión a misión para os nosos superheroes era poñer a Dash a sumar.
A misión era moi complexa, primeiro porque había que crear o espazo de suma, traballar en equipo, establecer criterios de medida, formular hipóteses e crear un escenario onde poder comprobalas.
As profes quedamos nun segundo plano dando material e observando e isto foi o que pasou.


O noso recuncho de robótica está a ferver dende que chegou Dash.

Algúns equipos so queren xogar coa aplicación GO que permite movelo, facer sonidos, mudar os leds…, outros xogan con Path e poñen a Dash a superar pequenos retos. Logo están os que sempre queren máis. Lembrades que falamos da linguaxe computacional e coma manexamos CODE, pois Dash pode reprogramarse con CODE pero a aplicación está suxerida a partir de 8 anos porque as ordes non veñen con debuxos, senón con letras pero… coma querer é poder e non hai arma máis poderosa que a curiosidade e as ganas de aprender, conseguiron reprogramar a Dash, e o mellor de todo, superar unha chea de dificultades usando a intuición.

Fixeron un circuito que tiña que recorrer Dash, eu sei que cada paso de Dash son 10 cm pero eles no así que, coma calcular os pasos? Pois simple, proba-erro, chega ou non chega.

Pero ao volver a comezar… nunca o colocamos exactamente no mesmo sitio así que desplazase a un lado ou outro. Que facemos? Pois poñer unha marca de inicio.

É así, pouco a pouco, solventaron problemas, puxéronse un obxectivo e…
Isto é o que pasa cando aprendes por ti mesmo!!!


Vou comezar este artigo dando as grazas as familias dos Apolos por facer realidade as tolemias que se nos ocorren na aula.

MOITAS GRAZAS FAMILIAS, SEN VOS NON SERÍA POSIBLE!!!

No mes de outubro fun a SIMO educación en Madrid e asistín a varios talleres de robótica infantil. Vin moitos robots, algúns espectaculares pero non lonxe do noso alcance. Así que cun orzamento máis modesto, algo de imaxinación e moitas gañas, os Apolos creamos un taller permanente  de robótica. Empezamos facendo robots de cartóns, con movemento manual, solares e un robot programable que temos agora mesmo en proceso de programación.
Levabamos unha semana en punto morto e pensando para onde iamos tirar cando chegou a reunión coas familias para falar do entroido. Falamos do traballo de aula e dos robots, de cal podía ser o seguinte paso.
Pensara en mercar un robot de BQ, so me daba medo que os aparellos son para nen@s a partir de 8 anos e igual o manexo nos resultaba complexo.
Nembargante, as familias estiveron dacordo en facer unha aportación, non pensei que iamos recaudar tanto así que, poñendo un pouco máis deixamos o robot de BQ e mercamos a DASH. Un trebello con moitas posibilidades que manexamos en Madrid, onde nos namorou,  e que espero que nos de moitas alegrías.
De momento aquí vos deixo a chegada de Dash e os primeiros problemas tecnolóxicos!!!


Xa vistes que montamos o noso robot solar. Coma ten 14 posibilidades, os Apolos decidiron montar outra forma. E parecía que todo ían ben…


O mellor, os fracasos serven para aprender!



A %d blogueros les gusta esto: