Archivo de la categoría: SUPERPODERES

A maleta pasou uns días en Aldeas Infantís. Manu estaba tan emocionado que houbo que sacarlle a maleta de cando en cando para poder seguir coa rutina diaria.
Manu pasouno moi ben e xunto a Ana fixeron un robot moi orixinal. Mirade!!!


Pouco a pouco estamos a chegar ao fin do curso e ao fin do noso superproxecto deste curso. Unha nova superfamilia e superamigos quixeron ensinarnos os seus poderes. Para poder decubrilos baixamos ata Redondela coa axuda de varias familias, aínda que choveu sen parar ideamos un plan para baixar e foi moi divertido. No centro ocupacional “Lenda” tíñannos preparada unha boa…!!! Fixemos brazaletes de superhéroes, descubrimos os superpoderes destes mozos e mozas que fan cousas fantásticas e lindísimas. Outros prepararon un almorzo de superhéroes. Despois visitamos o outro centro e alí… os mozos ensinaronnos que alí, en Lenda, os mozos van para recuperar os seus poderes. E tivemos que pintar uns robots moi especiais que eles mesmos fixeran para nós.

Foi una gran experiencia para os choquetes e para os mozos e mozas de Lenda. Foi fantásticos ver aos peques e aos maiores traballar xuntos!!!

GRAZAS!!!


Seguimos co proxecto dos superheroes cercanos e nesta ocasión o papá de Alba foi o que nos quixo amosar os seus superpoderes. Fernando e Marcia viñeron buscarnos co coche para poder chegar sen problemas a súa empresa (tamén nos axudou Lula, a que lle damos dende aquí as grazas) e unha vez alí comezamos a visita.
Fernando traballa en Plastic Omnium, empresa de compoñentes plásticos que elabora os parachoques e portóns traseiros dos coches.
Estivemos na sala de xuntas vendo un vídeo e tocando o diferente material co que traballan. Despois fixemos unha visita guiada por algunhas zonas seguras da fábrica, iso si, moi ben uniformados e vimos o seu sistema de robótica.
Por razóns de confidencialidade non temos fotos pero aquí vos deixo un resumo da visita contado polos Apolos.

MOITÍSIMAS GRAZAS A FERNANDO E TODOS OS SEUS COMPAÑEIROS DE TRABALLO PORQUE NOS TRATARON FENOMENAL.

TAMÉN A MARCIA, A MAMÁ DE ALBA, QUE NOS TRANSPORTOU E ACOMPAÑOU DURANTE TODA A VISITA.


Esta nova superfamilia teñen poderes moi especiais. Teñen poderes nas mans, é dicir, son capaces de crear cousas fantásticas. Nesta ocasión Eva e Luis vannos a ensinar a a facer dragóns chineses. Quedaron moi bonitos e cheos de cor!


Nesta divertida viaxe na procura dos superpoderes hoxe chegamos ata Aldeas Infantís da man de Borja, Yanira e das súas cómplices (Lula, Mar, Luli, Ro, María,…)

Foi unha saída moi divertida desde o principio ata o final. Comezamos a aventura con moitas ganas camiñando dende Reboreda ata San Martiño, grazas a colaboración das familias de Celia, Íker, Kira e Alexia. Xa na aldea as nosas cómplices tíñannos preparadas una chea de actividades. Primeiro recollemos herbas aromáticas, aprendemos os seus nomes e as súas características, descubrimos os seus arumes. Logo apareceu María e levounos nun tren moi divertido que andaba un pouco tolo, con ela cantamos e atopamos máis poderes. Logo fixemos un sinxelo herbolario coas plantas que recolleramos no xardín. Luli, que ten o poder da relaxación fíxonos unha fantástica sesión de ioga. E para rematar… merendola, xogos no parque e retorno ao cole.

UN DÍA FANTÁSTICO!!!

PARABÉNS CÓMPLICES!!! ♥♥♥


Kira e a súa familia, teñen moitos poderes relacionados coa música, polo que fan chamarse… “Os Supermusiquistas”.

Teñen o poder de tocar instrumentos e facer melodías, poden cantar e poden transmitirlle os seus poderes aos outros. Foi una sesión moi interesante, poidemos cantar, bailar e facer soar os instrumentos ata formar unha pequena orquestra, que montamos nun momentiño.

GRACIÑAS SUPERMUSIQUISTAS!!!

GRACIÑA FAMILIAS!!!

Cada día estou máis orgullosa dos meus choquetes e como non….

tamén das súas familias porque sempre están dispostas a facer realidade as miñas locuras.

 

 


De novo os Apolos saimos do cole para descubrir un superpoder doutro familiar. Neste caso fomos a casa de David S, onde o seu pai ten un estudio de arquitectura.
Chegamos alí coa axuda de Cris, a mamá de Teo, que unha vez acompañounos para poder baixar andando.

Xa no estudio aproveitamos para ver todo o que ten alí Fernando. Ensinounos con moita paciencia e agarimo en que consiste o seu superpoder. Vimos planos, estudos topográficos, planos de edificios e ata fotos de construccións rematadas. Tamén vimos a impresora de planos en funcionamento e libros con planos moi antigos. Despois de disfrutar dunha fantástica merenda a que nos convidaron collemos os nosos planos e fomos a poñer en práctica todo o aprendido a pé de obra.

FOI UNHA XORNADA FANTÁSTICA!!!
MOITAS GRAZAS FERNANDO!


Os choquetes deron comezo a súa andaina buscando os superoderes das súas familias. Nesta ocasión Óscar quixo amosarnos os superpoderes dos “Super Gonmon” e trouxo ao seu papi, Cesareo, e o seu amigo, Queima, para amosarnos o seu poder da velocidade, xa que son piloto e copiloto de rallies.

Foi tan impresionante a súa visita que quedamos coa boca aberta e aprendemos moitisimas cousas. Como tiñan que contar tantas cousas non puidemos abreviar o vídeo polo que vos deixamos dous, non vos vades aburrir porque non teñen desperdicio. Fixádevos ben porque os papis gozaron coma nenos.

 


Esta semana o noso papá superpoderoso foi Bene, o pai de Mauro. El é mestre no CUVI e convidounos a dar un paseo pola facultade da man de Fabio, Brais e Matías, disfrutando dun entorno natural alucinante cheo de lagunas, de animais que viven na contorna, plantas prehistóricas, píntegas que perden a cola cando están en perigo ou edificios que voan.
Foi unha xornada fantástica e aínda que Bene tivo que marchar a dar clase, nos aproveitamos a visita ao máximo e pasámolo xenial.

MOITAS GRAZAS A BENE POR ENSINARNOS O SEU SUPERPODER!!! ESTAMOS ENCANTADOS!!!

Os choquetes pasaronno moi moi ben. Aprenderon moitas cousas da man de Brais e Matías, como: buscar pegadas, plumas, caquitas e a comida dos animaliños desta contorna tan especial. Grazas Apolos por compartir con nós unha actividade tan interesante!!!!


Unha semana máis a maleta saiu da clase dos Apolos para pasar uns días na casa de Mauro. Alí, Mauro máis ou seu pai estiveron moi ocupados xogando cos robots e construindo un fantástico coche! Mellor que volo conte el que faino moi ben!


A semana pasada volvemos saír do cole para visitar a outro superheroe. Nesta ocasión o pai de Anxo convidounos a visitar a empresa de materiais de construcción na que traballa. E resulta que  resultou ser unha verdadeira cova de superheroeS chea de maquinaria extraordinaria.
Montamos nun guindastre e vimos os seus dentes poderosos en acción, tomamos os mandos dun camión que pode transportar miles de quilos sen dificultade, vimos as carretillas elevadoras, un superpoder invadiunos de súpeto e puidimos manexalas.

Ademais, descubrimos de onde sae a area, coma se constrúen as casas, cales son os superpoderes das pedras, que o polipán é tan forte coma un bloque de formigón, que hai unhas botas que teñen o superpoder de evitar os golpes nos pés…
E unha chea de cousas máis.
UNHA VEZ MÁIS, FOI UN XORNADA FANTÁSTICA ONDE O PASAMOS XENIAL.

TEMOS QUE AGRADECER AO PAI DE ANXO E AO SEU COMPAÑEIRO A ATENCIÓN, CARIÑO E PACIENCIA QUE TIVERON CON TODOS NÓS.
MOITÍSIMAS GRAZAS SUPERHEROES!!!
E, tamén, GRAZAS A LULA POR ACOMPAÑARNOS DURANTE A VISITA!!!


Outra semana máis seguimos visitando os nosos superheroes máis próximos.

Nesta ocasión Daniela levounos a descubrir o superpoder do seu pai David que ten a cualidade de converter aos nen@s en futbolistas. Si, de verdade! A que é alucinante!
Acompañados de Charo e Cris fomos andando ata o Campo do Choco e alí esperábanos David.

Vimos as instalacións, collemos o material, fixemos un circuito e, xa preparados, CONVERTÉMONOS EN FUTBOLISTAS!!!
Foi unha xornada fantástica.

MOITÍSIMAS GRAZAS A DAVID POR ENSINARNOS O SEU SUPERPODER. FOI UNHA PASADA!

E, POR SUPOSTO, A CRIS E CHARO POR ACOMPAÑARNOS E PREPARARNOS A MERENDA!

GRAZAS, GRAZAS E MIL GRAZAS!


O trimestre pasado estivemos traballando os superheroes cercanos e os Apolos, nunha das nosas asembleas, dixeron que os seus maiores superheroes eran as familias. Teo contounos que a súa avoa cosía a toda velocidade, David que o seu pai facía casas, Daniela que o seu pai entrenaba no Choco, Mauro díxonos que a súa nai podía saír pola tele…
Xa tiñamos un xerme para comezar a traballar, podiamos convidar as familias para ver os seus superpoderes… pero algúns Apolos dicían que non podían vir a ensinar o seu superpoder ao cole porque non podían traer as súas ferramentas de traballo, entón… Que podiamos facer?
Pois ocorréusenos levar a cabo o antigo proverbio de “se Mahoma non vai a montaña a montaña vai a Mahoma” e nunha reunión coas familias falamos de levar a cabo un proxecto conxunto onde viramos os seus superpoderes pero non tiña porque que ser dentro do cole, sempre que fose preto podiamos ir andando e se era lonxe tentariamos buscar unha solución.
Para organizar todo isto fixemos un lapbook de superheroes cercanos con fichas para cubrir en familia onde se escribiron quen nos ian a amosar o seu superpoder, cando e onde o iamos ver.

O libro foi a casa dos Apolos e cada familia cubriu a folla.

Con todo listo, so quedaba comezar e a primeira familia que visitamos foi a casa de Manu. Unha vez máis Lula e o resto das educadoras tratáronnos xenial e pasámolo moi, moi ben.

NON PODO MÁIS QUE DARLLE AS GRAZAS A LULA POR ORGANIZAR TODO E CONVIDARNOS E AS SÚAS COLABORADORAS RO, MARÍA E LULI. GRAZAS A TODAS POLA DEDICACIÓN, CARIÑO E SIMPÁTIA COAS QUE NOS ACOLLERON.

E TAMÉN A CRIS E CHARO POR ACOMPAÑARNOS E AXUDARNOS DURANTE A  SAÍDA

ISTO É O INICIO, NON PERDADES DETALLE PORQUE CADA SEMANA IMOS VISITAR A ALGÚN SUPERHEROE CERCANO!


A profe Lara, antes de marchar tívonos bastante entretidos cunha unidade moi fantástica. Batman mandounos unha mensaxe e tivemos que axudalo, para iso tivemos que entrenar o corpo e a mente como verdadeiros superheroes durante toda a semana. A emoción ía medrando día a día! Graciñas profe Lara!!! Foron uns días magníficos! Estade moi atentos a todos os vídeos porque as cariñas destes choquetiños non teñen desperdicio.

 

 

 


Unha semana máis os equipos tiveron que enfrontarse a un novo reto de Dash. Nesta ocasión había que conseguir que Dash debuxara un círculo, para iso vimos un vídeo onde Dash pintaba e, a partir de aí, os equipos comezaron a traballar.
Non vos quero adiantar moito pero un dos equipos non deu resolto o reto e algún membro do equipo quedou tocado, non en sentido negativo, senón con espírito de superación. Non vos conto máis!



A %d blogueros les gusta esto: