Archivo de la categoría: XOGOS DE AULA

O último día antes de marchar de vacacións de pascua, fixemos uns entretidos obradoiros. Coa profe Vero fixemos piruletas de chocolate, co profe Esteban vimos cortos animados de pascua e na clase dos choquetes, coa profe Aida, a profe Rosa e coa profe Lara ( que sorpresa de visita), fixemos manualidades primaverais, decoramos ovos e fixemos unha cestiña. Na hora de ler, escoitamos no patio, da man da profe Vero, unha fantástica historia do coelliño de Pascua e para rematar… cada peque colleu o seu cestiño e buscou e rebuscou por todo o patio os ovos de chocolate e chocolatinas que o coello deixou agochados mentras escoitabamos a súa historia. Que día máis bonito!!! Estivemos entretidos toda a mañá!!!


A profe Lara, antes de marchar tívonos bastante entretidos cunha unidade moi fantástica. Batman mandounos unha mensaxe e tivemos que axudalo, para iso tivemos que entrenar o corpo e a mente como verdadeiros superheroes durante toda a semana. A emoción ía medrando día a día! Graciñas profe Lara!!! Foron uns días magníficos! Estade moi atentos a todos os vídeos porque as cariñas destes choquetiños non teñen desperdicio.

 

 

 


Os choquetes tamén visitaron a batcova. Levaron o seu baúl cheo de cousiñas dos superhéroes, capas, bonecos, escudos, linternas, puzles, contos, máscaras,… algunhas estaban nas nosas casas e outras foron feitas polas familias. Como é un recuncho moi pequerrecho e os choquetes son tantos imos ir pasando pola batcova por grupiños pequenos. Mirade que ben o pasamos transformándonos en divertidos superheroes!


Diego e a súa familia, no receitario “para sentirse mellor” dos choquetes, aportaron unha orixinal receita para rir e divertirse mogollón. A súa receita chamábase “PONLLE A COLA AO BURRO”, e como a familia de Diego non podía vir ao cole a facer con nós a súa receita, enviáronnos un simpático vídeo explicativo. Mirade que ben o pasamos! Un divertido xogo para rir e traballar xuntos para axudar aos compañeir@s.


Nesta ocasión fixemos un novo notebook, para traballar na nosa pseudo-PDI. Traballamos contidos relacionados cos deportes, coa lectoescritura, coa lóxico-matemática,… é unha divertida forma de aprender todos xuntos sen darnos conta de que estamos traballando. Imos amosarvos uns pequenos retazos deses momentos de traballo.


Despois de tantos preparativos, chegou o día da nosa olimpiada, estabamos impacientes e pasámolo moi ben. Xogamos ao lanzamento de aros, aos bolos, as carreiras de relevos e  as carreiras con obstáculos. Queredes ver que ben xogamos, pois atentos que o vídeo vai comezar.


Neste terceiro trimestre para conseguir una vida sá, os choquetes van practicar moito deporte. Nesta ocasión estiveron preparando con moita ilusión diferentes elementos para poder dar forma á nosa pekeolimpiada. Mirade con que alegría preparan todo!



A %d blogueros les gusta esto: