Archivo de la categoría: CREATIVIDADE

Os nenos e nenas de 5ºA, quixeron facernos viaxar a través dos sons ata un lugar moi especial, Hawaii. Os pequesreboreda soamente tiveron que tumbarse no chan da aula de psicomotricidade, baixar as luces, pechar os ollos e deixarse levar polos sons. Foi unha experiencia fantástica e moi relaxante!

Anuncios

A profe Isa non para e xa está mergullada buscando os diferentes e orixinais sons dos animais. Nesta ocasión coa axuda dos nenos e nenas de 5º agasallounos cun “baño sonoro” cheo de sons coñecidos ou descoñecidos que podemos apreciar polos nosos bosques unha tarde de outono. Foi toda unha experiencia sensorial tanto para grandes como para pequenos!


Este curso, a profe Cris, unha semana ao mes vai facer obradoiros coas diferentes aulas dos pequesreboreda. Nesta ocasión tocóunos a nós, os choquetes.

Como o samaín xa estaba aquí, ideamos facer un obradoiro de cociña. Unha cociña moi… sinistra!!!

Seguindo as instruccións da profe Cris, preparamos: vasoiras de bruxa, ollos de zombis, pantasmas saudables e bocatas de tumbas. Sinxelas e divertidas receitas para estes monstrosos choquetes. Mmmmmm… estaba todo…. DE MEDO!!!


Este curso, imos estar moi atarefados cun montón de actividades relacionadas co proxecto anual, “O reino animal”. Como primeira actividade, cada clase tivo que escoller unha mascota e facer un estudio sobre ela, e tamén tivemos que decorar a porta da clase con ela.

Para decorar a porta fixemos uns mouchiños moi simpáticos que vixiarán día e noite a clase dos choquetes. Empregamos diferentes técnicas e materiais plásticos para darlle unha forma orixinal a nosa porta. Ahí vos deixamos todo o noso proceso creativo.


Chegou o outono e con el, chegou o samaín. Os choquetes puxéronse mans á obra e deseñaron divertidas cabazas para decorar o teito da súa aula. Daban un medo terrible!!! Mirade, mirade!!!


Estas grandes artistas non paran de argallar, unha semana tras outra, para deixarnos abraiados coas súas sesións de contacontos. Nesta ocasión foron todas en conxunto as que prepararon unha sesión espectacular. Dramatizaron de xeito orixinal e moi sinxelo o fermoso conto, “A mellor sopa do mundo”

Os choquetes estaban encantados e para que todos disfrutasen desta sesión tan especial invitamos tamén aos Apolos. Deixáronnos coa boca aberta!!!

XENIAL EXPLORADORAS!!!

SODES GRANDES ARTISTAS!!!


Estamos xa no terceiro trimestre e toca prepararse para a recta final do curso. Os Apolos comezamos este trimestre adicado ao superpoder que cada un de nos temos dentro creando un novo recuncho de xogo. Recollemos a batcova porque necesitamos espazos onde poidamos explorar e aprender por nós mesmos.
Así que a nosa batcova converteuse no recuncho dos cachibaches. Temos unha cabina de superman para deixar a nosa identidade habitual e saír preparados para explorar os nosos superpoderes.
Neste recuncho temos unha chea de material de refugallo e ningunha consigna, de xeito que cada un pode xogar coma queira: creando, investigando, amontoando, tirando… Todo vale!!!
E estes primeiros días foron moi interesantes!



A %d blogueros les gusta esto: