UN NOVO E-MAIL CHEGA A CLASE DOS ALQUIMISTAS

Fai unhas semanas recibimos un novo e-mail, cheo de fotos divertidas de Martín. Queredes ver que ben explicou cada unha delas? Pois estade moi atentos a este vídeo e veredes que atentos están todos os alquimistas.

IMOS DE MAGOSTO

Un curso máis, no outono, fomos todo o alumnado do CEIP Reboreda de magosto.

Nesta ocasión lucimos uns fermosos cestiños, que fixemos no taller da profe Anabel. Enchémolos de castañas asadas, que prepararon o profe Guillermo e o profe Álex con moito mimo. Despois de comelas xogamos sen parar. Mirade que divertido foi o día!

BANDERÍNS DEPORTIVOS

Xa estamos mergullados completamente no noso novo proxecto educativo, “Os deportes”. Os alquimistas despois dun gran debate deportivo, no que apareceron moitos dos deportes máis coñecidos e outros máis minoritarios, puxéronse máns á obra e fixeron uns preciosos banderíns deportivos para decorar o teito da súa aula. Empregaron diferentes técnicas plásticas e diferentes materiais para dar forma aos obxectos que se empregan en cada un deles, como: patíns, remos, pelotas, balóns, raquetas, bolos,…

Mirade canto traballaron!!!

O SAMAÍN DOS ALQUIMISTAS

Estes días preparamos con moita ilusión a chegada do samaín, é unha das festas máis esperadas no cole, será polos disfraces, polas decoracións de paredes e corredores ou polos medos que nos acechan a cada paso.

UN E-MAIL PARA ADRI E BRAIS

Nos últimos días do curso pasado recibimos moitos e-mails das familias. Nesta ocasión foi un e-mail compartido e comentado polos nosos protagonistas, Adri e Brais. Explicaron moi, moooi ben cada unha das fotos. Graciñas chicos, pasámolo moi ben coas vosas fotos, aprendemos un montón.

EXPERIMENTOS DE CORES CON XANA E LORENA

Antes de rematar un curso moi científico, Xana e Lorena (a súa mami) quixeron despedir o curso realizando xunto cos alquimistas varios divertidos experimentos. Primeiro contáronnos o conto de Elmer e despois fixemos experimentos cromáticos como as cores de Elmer. Pasámolo xenial pero o máis espectacular foi o remate final.

AS AVENTURAS ITALIANAS DE MATÍAS

Matías o curso pasado foi a dar unha voltiña ata Italia e alí vivíu mil e unha aventuras. Mirade que ben contou a súa intrépida viaxe.


A %d blogueros les gusta esto: