Archivo de la categoría: COÑECEMENTO DO MEDIO

Apolos e Xirasois esta semana foron a horta para encher pneumáticos, usar as follas secas coma materia orgánica e preparar todo para poder plantar amorodos a vindeira semana. Colocámonos as luvas, as botas de auga, collemos os sachos, as carretas e… mans a obra.


Os choquetes sempre que teñen un ratiño e o tempo o permite visitan a horta dos peques para plantar cultivos da tempada ou, como nesta ocasión, para mantela limpa de malas herbas. Estes choquetes xa son uns verdadeiros agricultores, mirade con que xeitiño fan as súas tarefas!


Daniela recibíu un e-mail cheo de fotos moi divertidas e cun montón de recordos para contar aos choquetes. Estivemos moi atentos porque Daniela narrou moi ben cada unha das cousas que pasaban en cada fotografía. Pasámolo moi ben escoitándoa e descubrindo recunchos novos aos que podemos ir nos nosos momentos de lecer. Graciñas a Daniela e familia por enviarnos tantas fotos e tan divertidas!!!


Cada semana e cando  o tempo nos deixa, os choquetes imos por grupiños a coidar da nosa horta. Nesta ocasión decidimos plantar dentro do invernadoiro porque non sabemos que pasou pero os bichiños deixáronnos sen verdura. Fai unhas semanas que visitamos a horta por primeira vez e plantamos verdura, allos e… aos poucos días non había nin rastro da verdura, polo que nesta ocasión cambiamos de estratexia. Plantamos dentro do invernadoiro a ver así os bichiños non dan con ela. Mirade que ben traballan estes pequenos agricultores nos seus primeiros días na horta!


Coa chegada do outono e como xa somos maiores os choquetes quixeron visitar a súa horta e plantar cultivos de outono. Tiveron que preparar a terra, facer buratos, plantar, regar, botar terra mineralizada,… semellaban uns grandes agricultores! Este ano é máis doado traballar na horta porque fixémoslle uns bancais de madeira que facilitan o traballo aos peques e así non se lixan tanto, movernos con comodidade pola horta e os cultivos están en mellores condicións. A nosa primeira visita foi todo un éxito. Voltaremos moi pronto para coidar e limpar o noso recunchiño de natureza dentro da escola.


Este ano celébrase o 20 aniversario dos proxectos escolares Voz Natura e non temos un tema asignado así que imos aproveitar o noso tema de centro para facer actividades de coidado e protección da nosa contorna.
Temos algunhas ideas gardadas pero xa volas iremos contando aos poucos.
De momento estes días aproveitamos para recoller os froitos do noso traballo durante o ano pasado.


O curso pasado estivemos moi atarefados coidando dos vermes do fiuncho pero marchamos de vacacións antes de que naceran as bolboretas. Aos poucos días sairon da crisálida e algúns Apolos achegáronse a velas.

Aquí vos deixo un resumo de todo o traballo que fixemos coas bolboretas  que plasmamos nun lapbook.



A %d blogueros les gusta esto: