Archivo de la categoría: NOVAS

As contacontos de 5ºB, María e Paula, chegaron a nosa clase cargadiñas de historias para contarnos, unhas fábulas moi coñecidas e outras non tanto. A súa primeira sesión de narradoras estivo moi ben. Noraboa! Esperamos vervos moi pronto contándonos novas historias!

Anuncios

Os nenos e nenas de 5ºA, quixeron facernos viaxar a través dos sons ata un lugar moi especial, Hawaii. Os pequesreboreda soamente tiveron que tumbarse no chan da aula de psicomotricidade, baixar as luces, pechar os ollos e deixarse levar polos sons. Foi unha experiencia fantástica e moi relaxante!


Recibimos un novo e-mail na clase dos choquetes. Nesta ocasión foi Iria a que recibíu un montón de fotos moi significativas para ela. Estaba tan contenta que contounos con moita gracia cada unha delas. Atentos, atentos… que marchamos de viaxe da man de Iria e da súa familia!


Un ano máis os choquetes reciben a visita semanal de expertos contacontos do cole. Nesta ocasión foron Alba e Laura as que viñeron a visitarnos, cunha coñecida historia pero ao mesmo tempo orixinal. As dúas intérpretes fixeron una divertida adaptación do conto da toupiña que quería saber que lle fixera aquilo na cabeza. Noraboa rapazas!!! Fixéstelo moi ben!!!


A profe Isa non para e xa está mergullada buscando os diferentes e orixinais sons dos animais. Nesta ocasión coa axuda dos nenos e nenas de 5º agasallounos cun “baño sonoro” cheo de sons coñecidos ou descoñecidos que podemos apreciar polos nosos bosques unha tarde de outono. Foi toda unha experiencia sensorial tanto para grandes como para pequenos!


Este curso, a profe Cris, unha semana ao mes vai facer obradoiros coas diferentes aulas dos pequesreboreda. Nesta ocasión tocóunos a nós, os choquetes.

Como o samaín xa estaba aquí, ideamos facer un obradoiro de cociña. Unha cociña moi… sinistra!!!

Seguindo as instruccións da profe Cris, preparamos: vasoiras de bruxa, ollos de zombis, pantasmas saudables e bocatas de tumbas. Sinxelas e divertidas receitas para estes monstrosos choquetes. Mmmmmm… estaba todo…. DE MEDO!!!


Este ano no cole quixemos xuntar dúas celebracións moi interesantes para os peques, o samaín e o magosto. Antes do recreo queimamos os medos de todos os nenos e nenas do colexio, escoitamos a uns sinistros pandereteiros e pandereteiras. Ao rematar regresamos ás aulas para comer as doces rosquillas que nos regalou a ANPA, xogamos un pouco no recreo e, antes de dar por finalizada a xornada, tivemos tempo para comer castañas que gardamos nos nosos preciosos cestiños. Deixámosvos un vídeo que recolle retaciños deses momentos. Esperamos que vos guste!



A %d blogueros les gusta esto: