Archivo de la categoría: RECURSOS PARA TODOS

Anuncios

Recibimos novo e-mail, nesta ocasión era para Daniela. Nel puidemos ver aqueles recunchos a onde viaxa a nosa choquetiña, nos seus momentos de lecer coa súa familia.

Viaxaron ata a Idade Media, polos castelos de Portugal, fixeron sendeirismo polas rutas das salinas de Ulló, ata déronse un baño nas termas de Outariz en Ourense. Mmmmmm cantas cousas descubrimos coas fotos de Daniela e que ben as explicou.

Parabéns Daniela!!!

Graciñas por compartir con todos nós as túas pequenas aventuras!


Na casa de Íker, na súa festa de aniversario fixéronlle un vídeo moi especial que agora quere compartir con todos nós. Entre todos fixemos unha gran presentación, na que todos compartimos vivenzas e emocións que nos transmitían as fotos de Iker.

Moitas grazas familia por compartir con nós os vosos recordos!!!!


Antes de rematar o curso recibimos moitos e-mails cheos de fotos para os choquetes pero non nos deu tempo a ver todos porque xa quedaban poucos días. O último que comentamos foron as fotos de Kira pero en Setembro daremos paso a todos os que quedaron pendentes.

Kira fixo una exposición exemplar, contounos con moita soltura cada unha das fotos. Parecía xa unha chica maior. Parabén Kira!!! E graciñas familia por compartir con todos nós anaquiños das vosas vidas!


Iria, a pesar da súa timidez, foi capaz de explicarnos cada unha das fotos que recibíu nun e-mail moi especial. Fotos cheas de tenrura e amor. Iria estaba nerviosa pero moi contenta de ver cos choquetes as súas fotos, a súa cariña o dicía todo. Estade atentos e mirade canto medraron xa estes choquetes, ata os máis tímidos. Parabéns Iria!!! E graciñas familia por compartir con todos nós, estes trociños da vosa vida. Muack!!!


Irea, fai uns días mandounos un e-mail con forma de vídeo coa súa amiga e curmá para explicarnos que ben o pasan en Vieiros na fin de semana, nesta ocasión tiveron que andar na procura duns trasnos un pouco ruidosos polos bosques do Caurel, tiveron un pouquiño de medo por si aparecían eses trasnos trangalleiros. Mirade que ilusión lles fixo a todos os choquetes recibir o vídeo de Irea e compañía!


Aínda que na nosa clase a pantalla non é una PDI, nós xogamos con ela como se fose. Preparamos diferentes actividades de lecto-escritura e de lóxico-matemática para traballar todos xuntos. Tivemos que formar puzles, facer series, contar, relacionar cantidades con números,… relacionadas co conto que estamos a traballar neste trimestre “Unha eiruga moi larpeira”. Agora imos deixarvos unha pequena mostra de todo o que facemos na nosa pantalla. Encántanos xogar nela todos xuntos!!!



A %d blogueros les gusta esto: