Déixovos un vídeo precioso cuns grandes artistas. Fixádevos ben porque seguro que algún deles dentro duns anos estarán firmando autógrafos. Parabéns!!!
Nesta ocasión o reto vai ser creativo. Aproveitando os vosos pequenos paseos que agora xa podemos dar imos ir recollendo pedras lisas para logo decorar e facer uns bonitos pisapapeis para os nosos escritorios, podemos pintalos con témperas e logo botarlle cola ou laca para que non manchen, tamén podemos pintalas con esmaltes de uñas e así xa non hai que barnizar as pedras. Podedes decoralas como máis vos guste, con motivos primaverais, de animais, de corazóns,…
Como é a semana das letras galegas, imos tentar falar un pouquiño en galego. Por iso o reto destes días será: mandar fotiños dos alquimistas lendo contos en galego, tamén podedes mandarme vídeos contando un conto ou cantando algunha canción, pero lembrade… que sexa en galego!!!
Anímovos a facer en familia o voso propio videoclip. Lembrades as curtas do samaín??? Pois espero con ilusión os vosos pequenos vídeos dunha duración de 1 minutiño.
Clicade na imaxe e iredes a páxina web que contén unha chea de xogos divertidos para facer en familia. Son xogos de números, de letras, de atención,… soamente tedes que premer na frecha e iredes pasando de xogo en xogo pero antes de pasar ao seguinte debedes comprobar se o fixestes ben premendo en: 
Vaia, vaia!!! Pero que creativos son os meus alquimistas! Mirade que cousiñas tan xeitosiñas fixeron envolvendo lás!
Estes días os alquimistas traballan cos números nas súas casas con materiais que teñen por alí, como: cartóns do papel hixiénico, pinzas, botóns,… Relacionan grafías e cantidades, repasan a serie numérica (cada día máis longa), buscan os números agochados na serie numérica, suman,…
Canto traballan estes alquimistas!!! E cantas ideas teñen as súas familias!!! Parabéns a todos e a todas!!!
Ola alquimistas!!! Xa estou aquí de novo cun novo reto semanal. Nesta ocasión imos facer uns divertidos globos antiestrés con fariña, cos que xogaremos as emocións moldeando diferentes cariñas, como: medo, alegría, tristeza, rabia, duda, asco,…
Que sorpresa!!! Vaia cousiñas tan bonitas fixeron os meus alquimistas nas súas casas coa axuda das familias! Estade atentos a este vídeo e quedaredes gratamente sorprendidos. Seguide así meus peques!
Ola Alquimistas!!! Xa estou de novo aquí propoñéndovos un novo reto. Nesta ocasión imos facer grafomotricidade con lás de cores que teñades pola casa. Consiste en facer unha silueta nun cartón duro e logo enrollarlle lá, así faredes un divertido colgante para decorar a porta da vosa habitación ou as ventás.
pequesreboreda.wordpress.com 