Soamente tedes que clicar na imaxe e xa vos leva a páxina onde están as fichas. Podedes unir con frechas, mover elementos ou colocar os números. Veredes todas as fichas e se na primeira dádelles a previsualizar podedes traballar unha tras outra soamente con premer na frecha. Cando rematedes dádelle a terminado e logo podedes comprobar o resultado final de como o fixestedes.
Estes días os alquimistas traballan cos números nas súas casas con materiais que teñen por alí, como: cartóns do papel hixiénico, pinzas, botóns,… Relacionan grafías e cantidades, repasan a serie numérica (cada día máis longa), buscan os números agochados na serie numérica, suman,…
Canto traballan estes alquimistas!!! E cantas ideas teñen as súas familias!!! Parabéns a todos e a todas!!!
Neste novo reto, imos traballar e xogar cos números e as cantidades. Imos empregar materiais que temos pola casa como por exemplo: pinzas da roupa, cartóns do papel hixiénico,… deseñaremos xogos cos que poidamos xogar máis dunha vez.
Vouvos deixar algúns exemplos pero seguro que vos me sorprendedes máis coas vosas ideas tan orixinais.
A semana pasada comezamos unha nova aventura cos robots.
Coma son uns expertos manexando a Dash decidín poñerllo difícil para que traballasen en equipo, tivesen que tomar decisións en conxunto e superar dificultades. Este primeiro reto consistía en derribar aos villanos que estaban nunha cuadrícula. Os villanos podían moverse sempre que fose na liña na que estaban colocados e Dash tiña que acabar con todos dunha soa pasada.
Cada equipo tomou as súas decisións e tivo a súa estratexia. Xa vos adianto que ningún equipo o conseguiu (cousa coa que contaba) pero dos erros apréndese moito e nunhas semanas volveremos ao reto e de seguro que nos sorprenden os seus avances.
A nosa aventura robótica comezou con escornabot, lembrades?
Tiñamos unha chea de pezas para montar seguindo unhas instruccións e cando o conseguimos so faltaba encher a cabeza de escornabot para que funcionase. Xa vos dixen que non teño nin idea de robótica, Apolos máis eu imos aprendendo ao mesmo tempo así que poñer a andar a escornabot costoume máis do que esperaba pero, quen a segue a consegue e, por fin, anda.
Ides ver no vídeo a todos os Apolos codificando e isto é posible grazas ao traballo previo feito con code.
O robot é moi simple, móvese adiante, atrás a un lado e a outro e simplemente, con eses movementos, traballamos unha chea de cousas: distribución espacial, lóxica, numeración e conteo, lateralidade…
Os equipos tiveron un día de descanso para tentar reparar os erros. O equipo 2 que ía máis retrasado puso a 5ª e…
EQUIPO 1- 1º INTENTO
Vou tentar nos seguintes post contarvos días intensos de traballo na aula dos Apolos.
Algúns profes estamos a facer un curso para mudar o noso xeito de dar clase e unha das cousas que saquei en limpo é que os profes falamos moito e anticipámonos. O noso papel é guiar e orientar, poñer os medios, facilitar pero nunca dar as solucións.
Partindo disto, cada semana, no recuncho de robótica, os equipos van ter un reto para facer con Dash. E un reto que deben superar por eles mesmos poñendo as súas cabezas a traballar e experimentando de xeito práctico as súas ideas. Sabendo que vanse trabucar pero que eses erros servirán para mellorar o proceso é chegar a resultado que queren.
Nesta ocasión a misión para os nosos superheroes era poñer a Dash a sumar.
A misión era moi complexa, primeiro porque había que crear o espazo de suma, traballar en equipo, establecer criterios de medida, formular hipóteses e crear un escenario onde poder comprobalas.
As profes quedamos nun segundo plano dando material e observando e isto foi o que pasou.
O noso recuncho de robótica está a ferver dende que chegou Dash.
Algúns equipos so queren xogar coa aplicación GO que permite movelo, facer sonidos, mudar os leds…, outros xogan con Path e poñen a Dash a superar pequenos retos. Logo están os que sempre queren máis. Lembrades que falamos da linguaxe computacional e coma manexamos CODE, pois Dash pode reprogramarse con CODE pero a aplicación está suxerida a partir de 8 anos porque as ordes non veñen con debuxos, senón con letras pero… coma querer é poder e non hai arma máis poderosa que a curiosidade e as ganas de aprender, conseguiron reprogramar a Dash, e o mellor de todo, superar unha chea de dificultades usando a intuición.
Fixeron un circuito que tiña que recorrer Dash, eu sei que cada paso de Dash son 10 cm pero eles no así que, coma calcular os pasos? Pois simple, proba-erro, chega ou non chega.
Pero ao volver a comezar… nunca o colocamos exactamente no mesmo sitio así que desplazase a un lado ou outro. Que facemos? Pois poñer unha marca de inicio.
É así, pouco a pouco, solventaron problemas, puxéronse un obxectivo e…
Isto é o que pasa cando aprendes por ti mesmo!!!
Nas nosas «estacións de aprendizaxe» non podían faltar as novas tecnoloxías porque son altamente motivadoras, o noso alumnado nace rodeados delas a e, ademais, a escola debe dar resposta a sociedade do momento.
Os luns a metade dos Apolos vai a informática e a outra metade quedamos na aula xogando con Osmo. Xa vos amosei fai unhas semanas que OSMO é un complemento para Ipad que nos permite unir o mundo virtual co real. Cada semana un dos equipos ten retos a superar, ás veces, pensados para alumnos de maior idade pero con calma e axudándonos os uns aos outros imos xogando, evolucionando e, sobre todo, aprendendo.
No noso taller semanal de mates fixemos un xogo co que nos rimos moito e aproveitamos para traballar o concepto de número así coma as relacións que se establecen entre uns números e outros.
Para iso, primeiro en equipo e logo por parellas, un nen@ poñía un número na súa fronte sen velo e facendo preguntas que se respondesen con «si» ou «non» debía adiviñalo.
MIRADE!!!
Xa vos comentei na anterior entrada que tivemos moito traballo estes días para deseñar o menú do restaurante. Coma vos chefs estamos facendo probas pero no restaurante os pratos teñen que ser uns iguais aos outros e para iso necesitamos ter unha guía, saber que cantidade leva cada prato e coma se coloca.
Os equipos partindo dos menús que xa deseñaran escolleron a cantidade de ingredientes que ían levar, coma os ían colocar e perfilaron detalles que aínda non estaban claros.
Todo este proceso supón poñerse dacordo no que van facer, traballar lóxica-matemática, por exemplo, uns dos problemas que tivemos foi que un equipo quería poñer 3 tomates por comensal, eran 6 comensais, iso resolveríamolo cunha multiplicación pero eles non saben así que lle pediron axuda a profe Marina que seguindo as aportacións ía facendo cada membro do equipo debuxou os tomates en cada prato e fíxoo na pizarra para que mirasen todos, logo eles contaron a cantidade total (xenial, verdade?)
Ademais traballamos lectoescritura, creatividade, traballamos de xeito cooperativo, repartimos os ingredientes que tiña que traer cada un… En fin, un gustazo!!!
E prométovos que inda queda o mellor: «o día que cociñaron» pero iso vai ser no próximo post.
Unha semana máis tivemos taller de mates. Nesta ocasión aproveitamos para facer sumas usando os dados. Preparamos un dado para cada Apolo e unha ficha para ir poñendo os números que saían. O xogo consistía en facer duas tiradas, e debuxar os puntos que saían en cada tirada no cadrado correspondente.
Ao lado destes tiñamos outros dous cadrados para poner o número que indicaban os puntos. Finalmente, contabamos todos os puntos e poñíamos o resultado.
Igual non está moi claro pero no seguinte vídeo podedes ver aos Apolos en acción.
Xa vos falei da nosa máquina de sumar. Cando a fixemos os Apolos enseguida me dixeron que querían unha para cada un. Evidentemente non era viable facer unha máquina coma a da clase para cada un pero si podiamos facer unha versión máis sinxela, así que unha vez máis, botamos man das familias que nos trouxeron caixas de zapatos a clase.
Aproveitamos a idea dos Apolos para facer unha chea de actividades de preparación usando material de refugallo que tiñamos ao noso alcance coma rollos de papel hixiénico, tapóns de botellas… Cada Apolo individualizou a súa caixa e preparouna ao seu gusto.
As caixas quedaron moi vistosas.
Pero despois de facelas quedaba o máis importante, usalas e ver se funcionaban ben. Este foi o resultado.
Nesta ocasión fixemos un novo notebook, para traballar na nosa pseudo-PDI. Traballamos contidos relacionados cos deportes, coa lectoescritura, coa lóxico-matemática,… é unha divertida forma de aprender todos xuntos sen darnos conta de que estamos traballando. Imos amosarvos uns pequenos retazos deses momentos de traballo.
Seguimos co noso taller matemático. Nesta ocasión aproveitamos para aprender a sumar cos dedos.
Mirade coma o fixemos!!
pequesreboreda.wordpress.com 